soweli Opi li toki suli, 'mu, mu, mu!' soweli Opi li toki tawa jan Linan.
       
jan Linan li toki tawa jan Opi 'mu! mu!' jan Linan en soweli Opi li toki.
   
  
tenpo ni la, kalama ante. jan Jon li open e lupa.
   

'toki-' jan Jon li lukin e jan Linan. jan Jon li toki, 'n..sina pali e seme?'
  
   
jan Linan li lukin e jan Jon 'a! mi toki e toki soweli tawa soweli Opi. jan mute li toki e ni: soweli sina li toki la, sina toki tawa ona la, ona li toki ala.'
   

taso, soweli Opi li toki suli 'mu! mu!'
    

jan Jon li toki musi 'jan mute li toki e toki pi lon ala.'

   
tenpo lili la, jan Linan li lukin e ona. jan Linan li toki, 'ala a! tenpo poka la, nasin ni li lon.'

jan Jon li toki, 'n. tenpo ni li tenpo poka ala. jan mute li toki e toki pi lon ala'


jan Linan li pilin ike. 'jan Jon o..!'


 'seme a? ni li lon!' jan Jon li toki musi. 'tenpo mute la, nasin sina li ike. mi toki e ni la, pakala mi. taso, ni li lon.'

'jan Jon o! mi. . .' jan Linan li toki insa. '..a. toki sina li lon.'


'tenpo ale' jan Jon li sin.


'n. tenpo ale la, toki sina li lon.” jan Linan li luka olin e jan Jon. “tenpo poka la, sina jan ike. sina sona ala sona e ni?'


jan Jon li toki, 'sona. mi sona.'


jan Linan li toki, 'mi olin e sina la, sina wawa pona.'


jan Jon li toki musi, 'mi sona e ni kin.'